麻辣風雲 (已結業)

好耐冇食過酸菜魚就試下哩間麻辣風雲，一早book左位唔洗等，間鋪好大好乾淨，環境唔錯，但食物質素有待改善。♡ 酸菜魚 $2682-3人分量，魚都算多都夠食，魚質地算好嚡口，唔錯的，配菜有薯粉、萵筍，芽菜。但食酸菜魚最重要個湯，完全唔香、唔酸，酸菜仲一啲都唔好食，有啲失望。♡ 水煮牛肩肉 $268哩個水煮對比酸菜魚好味，牛肩肉睇落似一般肥牛咁😂但都幾嫩口唔靭，配菜有薯粉、雲耳、萵筍，哩個可以試。♡ 手撕包菜 $98川菜食物一向偏油，哩個都唔例外，味道是可以的。♡ 炸饅頭 $586粒炸饅頭要$58都幾貴，但厭佢炸得唔夠脆，可以再炸耐少少。所以食物既辣度都叫左小辣，有朋友試過中辣覺得好辣，但今次食小辣就好似bb辣咁，個差都幾大。香港咁多鋪食酸菜魚，未必會再去食。