SHY Dance Cafe (已結業)

附近返工周不時都會去駱駝7食Lunch, 然而【蒸冇門】同呢間蛋包飯就係頭號會揀到。過左一排冇去幫襯諗住食襯都係蛋包飯，今次去輕食個蛋牛治加杯嘢飲啦。首先蛋牛治38蚊貴過個普通蛋包飯35係有d唔明，不過可能係我無知，牛肉貴，心諗一定好多涵，女侍應問要唔要哄底，事後睇返餐牌哄底加兩蚊呢個都唔係問題，見牆身大大隻字寫住薑檸蜜咁就試一試啦。蛋牛治黎到，一眼望落d蛋唔洗食都已經覺得係煎到老哂，d牛又碎又少，連埋兩塊哄左好似冇哄過嘅麵包一啖咬落去，簡直係原全冇靈魂，係我要求太高還是對方出手太低。都算，諗住冇下次，等埋杯嘢飲到快食埋就算，點知杯嘢飲一黎到已經見到一條條薑絲係面，究竟係個水吧想表現刀功還是我太大驚少怪，我唔明一杯好地地嘅薑檸蜜點解要用薑絲，點解要用菜蜜，可能想表演真材實料同薑味出d?但可惜菜蜜嘅味完全蓋過薑味，其實一d薑味都飲唔出，杯嘢又唔熱，而且睇返張單先知，呢杯咁嘅嘢要收6蚊，因為切薑絲刀功價值6蚊？呢餐飯真係好失望。。。都係搞返好個蛋包飯好過啦。