PHI Coffee & Pancake (屯門市廣場1期)

营业中

休息中

今日想食甜品，所以晚餐去左一間有甜品嘅餐廳，主食款式唔多，意粉得3款，我先叫左一份卡邦尼意粉及一杯焦糖咖啡。咖啡幾香濃，意粉個汁都好濃，都幾大碟，味道唔錯。張枱就細左小小，完全唔夠擺，一人食一碟都放唔落。食到一半，我就order定一個梳孚里甜品，見到廚房一直有出甜品，但係我等左大半個小時都無，遲來嘅客人都已經食緊，我果碟仲未到。追問伙記係唔係漏左單？佢回應話4分鐘就到，果然有一個女伙記攞住一碟梳孚里送到我嘅枱上，然後問我係唔係叫左梳孚里，我答佢係，接著佢即刻攞走碟嘢，走返入廚房，我叫住佢，但係佢一d都無回應我，好無禮貌。等完又等，已經等左1個鐘啦，無法忍受，唯有取消甜品離開。個男伙計都講左句唔好意思。我對今餐都好失望。