港澳義順牛奶公司

营业中

休息中

話說我同媽咪去完食下午茶就想食甜品。之後有媽咪話食燉蛋，老實講：對上一次食已經幾年前嘅事。餐廳內嘅裝修同以前一樣,都係以藍白色為主：同一間冰室無異。我地叫左熱嘅冰花燉蛋；係有少少熱，初時食到少少蛋味：無甜味。蛋味又唔係有蛋香味。食食下個味就好寡。香又唔夠香。份量又唔係大份。賣又賣到26蚊，真係唔值。上燉蛋的時間係快，因為燉蛋係做定先。但講熱度：如果五粒星為準，一粒星最低五粒星最高：我覺得值兩粒星。侍應的服務態度，我只可以講普通：我見D姐姐都係落單之後叫燉蛋。之後拎嚟。相比之前，質素差左好多；以前又熱又香。希望佢可以做番呢個味道出嚟。