飲茶 (朗豪坊) (已結業)

星期四同老公帶埋阿仔去左朗豪坊，因為有架BB車嘅關係，所以搵左間諗住坐得舒服啲嘅野食，所以去左「飲茶」。入到去落單叫四樣野食，一個菠蘿星米、一個玫瑰包、一個煸四季豆同一個布拉虾腸。跟住有個侍應呢頭拎張點菜紙黎同我地講無虾腸，介紹我地轉炒虾腸，轉個頭佢就唔記得左，所以全餐就只有三樣野食，而我地決定唔追又唔加野食，快快手手食完去第二度買外賣算，原因係間野貴得黎唔好食，同樣價錢去八月花仲好。首先上黎嘅係星米，除左用菠蘿殼上之外，完全唔知同菠蘿有咩關係，而啲虾用雪藏虾（雖然唔奇）之外，啲下係完全無味，而個份量係一般茶記嘅四分一（可能仲俾多佢），見到呢個星米，我地已經對呢餐無期望，成舊水就係食呢啲咁嘅野，一啲誠意都無。第二樣係個玫瑰包，香玫瑰花味，但食落無特別。最後上埋個四季豆，鹹但可以接受。我地吃完仲好肚餓，立即埋單，三百幾蚊令我地決定以後唔去！當然如果大家係想食新派點心，可以考慮，不過同樣嘅野其實仲有好多地方食到，唔一定要幫襯佢！