沙田友冰室 (已搬遷) 新店位置

今早有人車我返工, 節省左唔少時間, 可以去新開既沙田友冰室食返個靚早餐. 估唔到呢間沙田友只係開左張幾日已經咁爆, 入到去岩岩好搵到個靚位坐低慢慢食, 呵呵呵!早餐黎黎去去都係果D, 我揀左我最愛既鮑魚火腿通粉. 點知…佢竟然話俾我聽..冇通粉, 果下即時down左, 唯有轉米粉囉~ 講真賣相就一般般, 鮑魚同火腿都唔算好多...仲要個米粉太淋…(我預期係福字米粉果隻硬度)….湯底味道好淡…真係幾失望…隻蛋炒得幾滑,但蛋味欠奉講到杯奶茶, 個人覺得茶多個奶, 並唔夠滑….但餐廳設計係加分既, 走懷舊路線, 裝潢不錯~下次會俾多次機會佢, 試下佢其他野, 希望會有驚喜啦！