鐵板漁屋日本料理 (如心廣場二期) (已結業)

早於2星期前，透過電話book 左29/5(日)中午12點 5位，可安排坐VIP房。今日，第5波確診仍處於250宗左右嘅疫情吓，都冒著可能會被感染情況吓，都要嚟到荃灣食放題，原本滿懷興奮嘅心情(因上年都有食過，覺得唔錯)，入到餐廳一拎起部點餐部Ipad機後，掃晒點餐餐牌，發現蒲燒鰻魚、燒三文魚腩、可樂等較熱門嘅嘢都 '缺貨'，都好唔開心。都算，12:08pm點左刺身，等到12:35pm都未有，揾左侍應跟進，先有刺身到刺身質素確實好。但其後分左幾次點餐，都要等成半個鐘或以上，什至有啲點左嘅食物，係冇厘過，漏單情況極之嚴重，叫薄燒牛肉更加追問吓，先遲遲送上，凡係點貴價食物，總係食唔到。最後埋單後，我見隔離枱，有雪糕紙，問侍應後，先肯比總結是，若再去食放題，寧願去食酒店自助餐，更會有保証。