江南菜 (已結業)

見到OpenRice 之前該店的小籠包D相入面個個都皮薄多汁，終於今日特意過嚟一試，但原來全部點心都變晒即食包裝工場點心貿素，走晒樣，厚皮冇湯，機啤出嚟一式一樣，老老實實咁嘅質素不如唔好賣，直頭係拆自己招牌。。。另外再叫追加咗蔥油餅同埋煎鍋貼，鍋貼都算正常，蔥油餅又係非常薄，樣子很似超級市場的即食酥餅，又係同之前OpenRice 的相片差很遠。。。主食有嫩雞煨麵同埋上海排骨麵，呢兩個都正正常常，不過排骨麵個湯底就有著陣陣出前一丁嘅豬骨湯味。另外點多左個薰魚，呢個應該係全餐最好味嘅菜。總括而言，該店的點心類實在太差勁了，其他食品還算可以。不過同區葵興好嘅小籠包亦最少有兩間，如果想食上海點心都係去第二間比較好。