影片
食家推介
之前一路有帮衬开，水准都正常，起码小笼包锅贴𠮶啲系佢舖头自己包嘅，之前食咗咁耐，起码食得出佢全部嘢都系自己舖头制作出嚟嘅点知今次去，就濑晒嘢⋯⋯都已经好多个月冇食，今日再帮衬，小笼包同锅贴，一睇就知系急冻喺出面叫返嚟嘅。小笼包系完全冇汤嘅蒸饺子，锅贴就系煎饺子咁。同以前完全两回事。啲食材完全同以前唔同，好明显系转咗手，啲嘢全部喺出面叫返嚟可以话系完全唔掂，以后都唔会再帮衬。咁样嘅质素，睇嚟佢都应该好快搞唔掂
继续阅读
见到OpenRice 之前该店的小笼包D相入面个个都皮薄多汁，终于今日特意过嚟一试，但原来全部点心都变晒即食包装工场点心贸素，走晒样，厚皮冇汤，机啤出嚟一式一样，老老实实咁嘅质素不如唔好卖，直头系拆自己招牌。。。另外再叫追加咗葱油饼同埋煎锅贴，锅贴都算正常，葱油饼又系非常薄，样子很似超级市场的即食酥饼，又系同之前OpenRice 的相片差很远。。。主食有嫩鸡煨面同埋上海排骨面，呢两个都正正常常，不过排骨面个汤底就有著阵阵出前一丁嘅猪骨汤味。另外点多左个薰鱼，呢个应该系全餐最好味嘅菜。总括而言，该店的点心类实在太差劲了，其他食品还算可以。不过同区葵兴好嘅小笼包亦最少有两间，如果想食上海点心都系去第二间比较好。
继续阅读
第一次写食评，真系忍唔住！！！今日中午同同事去食酸菜鱼饭，一咬落去旧鱼完全系生架 ！无错 系生架！又冻又咬唔开，我依加念起真系劲想呕！之后好啦，我惊惊地换左个水饺面，咬开一望点知啲水饺又系唔熟！！！！！离哂谱！！！！！大佬！一次又唔熟，两次又唔熟点食呀？？？？？！！！！！！翻到公司同同事倾开 原来佢上次食面啲面发毛架 ，之后换左一次又系发毛！！换到第三次先无事！！！好恐怖！！！！希望我今晚唔会肚痛啦！！！
继续阅读
江南菜（葵涌）午饭时间全场满座，午餐价钱大部份五十几蚊有交易，包汤同热饮，叫咗上海排骨菜饭$52，排骨虽然系炸，但唔觉油腻，菜饭菜嘅比例都几多，热豆浆都几大杯，唔会过甜，座位可能就感觉比较迫，但基本上食完就走，都无咩所谓，服务不过不失，整体来讲ok.#菜饭#排骨#lunch#午餐#午饭#葵涌#ランチ
继续阅读
早前约了朋友晚饭小聚，朋友提议到葵涌路德围之📍江南菜菜馆一试，店舖位于大路边不难找，我来到见其门面小，但都尚算光猛，入内面积亦不大，枱椅放得较密但很整洁。🍽今日全由朋友发版，点了🐔云吞鸡、上海粗炒、🍖糖醋骨、🍜酸辣汤面。💢云吞鸡卖相不错，上汤很有味，内有半只鸡不过肉质就一般有些腍不怎么结实，云吞的质素就比鸡只好，内里的虾够大只和弹牙。💢上海粗炒就炒得够镬气，酱汁的味道很正宗，上海粗面质地较硬身有咬口感。💢糖醋骨的黑醋味够引人，其酸酸甜甜的味道很开胃，而且排骨的肉质煮得亦够腍身不会韧口感很好。💢最后来的酸辣汤面，其酸辣汤亦是很正宗的上海馆口味，不过因为加入了面的关系，以致酸辣度减低使汤味变淡了，犹幸所用的面质地幼细和弹牙食落够烟韧。❇️整体上说今餐食物质量都不错，价钱亦不算贵，下次都会再来一试。
继续阅读