一浩 (已結業)

上一篇食評提到50胃行完山喺黃金海岸食完雪糕，去左隔離間一浩食刺身飯，對上一次友人已經同我講想試呢間野既廚師發辦，據聞夜晚食係貴既，我地望一望個lunch餐牌，覺得唔貴就入左去了。朋友係咪總係心有靈犀嫁呢，兩個都係睇中左北海丼😂 其實我地兩個對喺香港食海膽都係抱住消極既狀態，因為中伏程度均屬大伏。個餐包麵豉湯同沙律，我另外加左15蚊整左支支裝可樂。呢個北海丼有海膽，牡丹蝦，三文魚子同帶子，到底好唔好食呢？結果係全程同個fd食到木口木面，佢唔係好差（友人表示起碼唔係臭），但海膽同帶子都係冇咩鮮甜味，牡丹蝦就都算爽口同鮮甜，最令人滿意係三文魚子，脆卜卜，粘粘的，濃厚而且不咸。畢竟俾左200蚊一個餐，呢餐都係令我覺得幻得幻失，離開時問左友人一句：仲會唔會再黎食廚師發辦？佢道：不了。回程時我地諗住沿返山路返家，點知見到兩個男人係度燒草，覺得好危險，唔怪得清明特別多山火，於是我地就打消念頭。。世界怪事何其多。。完