皇茶冰室 (已結業)

難得一早出荃灣，諗住搵個地方食個靚早餐。經過皇茶冰室門口睇到餐牌幾吸引，結果誤打誤撞就入左去了！我本身叫雞扒公仔麵，落單個呀姐都覆左我的！點知黎到係豬扒公仔麵....Ok既，豬扒就豬扒喇！好可惜，呢個黎錯既豬扒並沒有比到驚喜我，味道同肉既質感仲要係非常差！豬扒淋到一個點，相信這絕對不是一般的豬扒！朋友的火腿仿鮑魚絲通粉相對比較正常，多士唔掂(似乎唔係新鮮麵包)，炒蛋亦冇驚喜。我們的第一次皇茶冰室亦是最後一次。