影片
更多
2009-08-19
6 浏览
原來同下面啲食家一樣,都係誤信門口影嗰啲明星相,先至盲鍾鍾走咗入去,攞餐牌嚟時推介新出的二人餐$138,心諗應該唔會好差卦,亦有幾多嘢食,所以落咗呢個order.頭盤揀咗雞絲粉皮,呢個係成個餐最似樣的,幾大碟,不過粉皮比較厚,可幸花生醬都不算太差.跟住落嚟嗰啲就慘不忍賭啦;首先嚟個小籠包,除了個皮比較簿外,味道就麻麻,啲肉汁好稀,唔知點解有一種食咗一粒唔想再食的感覺.香西鮮魚羹仲差,比較稀都算,最離譜係落咗好多胡椒粉,好鬼辣,好似胡椒豬肚湯咁辣,就算好大碗都無用.到個清炒白菜仔,估唔到竟然又老又鞋又澀.好彩個嫩雞煨麵都叫做食得入口,如果唔係就慘啦.送埋個甜品-高力豆沙,依然繼續失望,個皮好厚,又無味.最後要講下個卡位,成世人都未試過坐一個咁唔舒服的梳化,張櫈是斜向前的,越坐越攰.埋單連加一$152,感覺非常唔抵,唔明白點解仲有咁多明星係度影相,究竟啲明星有無係度食過嘢架???
原來同下面啲食家一樣,都係誤信門口影嗰啲明星相,先至盲鍾鍾走咗入去,攞餐牌嚟時推介新出的二人餐$138,心諗應該唔會好差卦,亦有幾多嘢食,所以落咗呢個order.
頭盤揀咗雞絲粉皮,呢個係成個餐最似樣的,幾大碟,不過粉皮比較厚,可幸花生醬都不算太差.
跟住落嚟嗰啲就慘不忍賭啦;
首先嚟個小籠包,除了個皮比較簿外,味道就麻麻,啲肉汁好稀,唔知點解有一種食咗一粒唔想再食的感覺.
香西鮮魚羹仲差,比較稀都算,最離譜係落咗好多胡椒粉,好鬼辣,好似胡椒豬肚湯咁辣,就算好大碗都無用.
到個清炒白菜仔,估唔到竟然又老又鞋又澀.
好彩個嫩雞煨麵都叫做食得入口,如果唔係就慘啦.
送埋個甜品-高力豆沙,依然繼續失望,個皮好厚,又無味.
最後要講下個卡位,成世人都未試過坐一個咁唔舒服的梳化,張櫈是斜向前的,越坐越攰.
埋單連加一$152,感覺非常唔抵,唔明白點解仲有咁多明星係度影相,究竟啲明星有無係度食過嘢架???
张贴
