叙福樓海鮮酒家 (已結業)

今晚我們去咗天水圍頌富商場嘅「叙福樓海鮮酒家」食晚飯！我們叫咗紅燒竹笙花膠海皇羹、蜜豆炒龍躉球、陳皮蒸龍躉斑頭腩、招牌金獎燒鷄、菠蘿生炒骨同薑蔥炒奄仔蟹！紅燒竹笙花膠海皇羹嘅味道淡而無味，材料過份碎，完全無咬口！蜜豆炒龍躉球同陳皮蒸龍躉斑頭腩嘅肉質都幾爽口彈牙，不過味道就比較鹹！招牌金獎燒鷄嘅皮燒得唔算太香脆，肉質亦唔係好嫩滑！菠蘿生炒骨嘅炸粉好厚，骨嘅份量亦比肉多！薑蔥炒奄仔蟹唔係好新鮮，肉質係霉嘅同味道比較鹹！以他們收嘅價錢唔算平，但出品嘅食物質素比較差，真係令人太失望！