香港仔魚蛋粉 (已搬遷) 新店位置

今日下午大姨媽帶咗我們去尖沙咀睇醫生檢查完之後，去咗堪富利士道嘅「香港仔魚蛋粉」食下午茶！我們叫咗魚蛋河粉嘅河粉質都幾軟滑，煙韌度適中，唔會過腍，湯底嘅味道都算鮮味，但就比較油膩，魚蛋亦好爽滑彈牙，但就略嫌味道有啲腥！牛筋米粉嘅牛筋嘅質感極之硬實實，燜得一啲都唔腍同完全唔入味，色澤相當淡色，味道係非常淡，真係令我們覺得好失望呀！牛丸麵嘅牛丸相當爽口彈牙，食落感覺味道比較「膻」，至於幼麵嘅麵質，都幾爽滑幼身！