影片
更多
2014-07-19
683 浏览
呢日收工約左我家姐食d野, 行左個圈發現呢間叫"醉鮮"嘅新餐廳, 見佢門口大大隻字咁寫住"鮮濃靚湯底", 好似幾好咁喎, 就試下你啦。入到去坐底我望望餐牌, 我要左個杞子豬澗米線就配呢個豬骨湯再加多杯香檸薏米蜜, 我家姐就叫個鯇魚片米線配魚湯都係飲香檸薏米蜜。過左陣杯香檸薏米蜜黎左, um....檸檬呢? 你餐牌張圖有架喎, 果然圖片只供參考。雖然飲落有少少檸檬味, 但感覺比張圖呃左咁, 而呢杯野嘅味道就似用蜜蜂糖開滾水沖比我飲咁...碗粉要上枱喇, 先食一片豬澗,淥得唔老幾好, 然後就飲啖"鮮濃靚湯底"。一飲之下我同家姐四目交投, 點解!點解!點解! 只係一碗得個咸字嘅水, 豬骨湯無豬骨味, 魚湯無魚味, 我寧願你用豬骨湯味即食面包味精粉沖比我都好過咁樣, 然後米線份量又少得可憐, 連我家姐女孩子都覺得少 。最後兩啖食晒碗面71蚊埋單, 然後去葵廣買小食填肚。其實想食粉面又比得呢個價錢係同區有好多選擇, 面呢間我絕對唔會食第二次, 仲好意思話自己"鮮濃靚湯底"檢討下吧。
入到去坐底我望望餐牌, 我要左個杞子豬澗米線就配呢個豬骨湯再加多杯香檸薏米蜜, 我家姐就叫個鯇魚片米線配魚湯都係飲香檸薏米蜜。
過左陣杯香檸薏米蜜黎左, um....檸檬呢? 你餐牌張圖有架喎, 果然圖片只供參考。雖然飲落有少少檸檬味, 但感覺比張圖呃左咁, 而呢杯野嘅味道就似用蜜蜂糖開滾水沖比我飲咁...
碗粉要上枱喇, 先食一片豬澗,淥得唔老幾好, 然後就飲啖"鮮濃靚湯底"。一飲之下我同家姐四目交投, 點解!點解!點解! 只係一碗得個咸字嘅水, 豬骨湯無豬骨味, 魚湯無魚味, 我寧願你用豬骨湯味即食面包味精粉沖比我都好過咁樣, 然後米線份量又少得可憐, 連我家姐女孩子都覺得少 。
最後兩啖食晒碗面71蚊埋單, 然後去葵廣買小食填肚。其實想食粉面又比得呢個價錢係同區有好多選擇, 面呢間我絕對唔會食第二次, 仲好意思話自己"鮮濃靚湯底"檢討下吧。
张贴
