嚐仙 (已結業)

早排上網見到呢間野係台灣過黎仲新開張，今日係附近就特登走過黎試試佢，間野都唔算大間，得一條窄行直行到尾，其實就唔多好坐🙊佢主要係門口叫野食提單入去坐，侍應就會跟單黎送野食而唔係枱號，感覺有點亂，望住個侍應送餐都覺得佢辛苦🥴講番野食，叫左個招牌甜品，食落各樣配料都唔錯，中間既芋泥都好滑，成個甜品食落唔會好甜，實在算係唔錯，不過定價真係高左少少，性價比比佢高既芋圓甜品多的是，我諗都未必會再黎多次🤔最後我食完就走左，因為真係唔算好坐，窄行既其中一邊仲要係吧枱，坐另外一邊矮枱既壓迫感幾重，唔會想坐得耐，實在唔係一個舒服既環境🙊