香港冰室 (已結業)

打完風四圍都塞車，放工後搵個地方食埋飯先返屋企，就諗住搵間茶記食就算，見依間新裝修又叫冰室，諗住唔會太差點知...先講吓我哋叫咗咩食先，一個焗芝士魚柳飯，一份常餐豬扒撈麵...落完order唔夠5分鐘個焗芝士魚柳飯就到，面個D芝士少到嚴格嚟講不可叫芝士焗飯，最多都係白汁焗飯，味道一般。之後就係個常餐，個奶油豬仔係唔脆嘅，個炒蛋無味之外仲好老...算諗住撈公仔麵好少衰，點知個麵太淋個汁又唔甜唔咸，個塊豬扒乾到好似食豬肉乾咁成餐唯一可取只有杯凍檸茶，下次都係附近較老字號嘅茶記食。