影片
更多
2018-09-03
707 浏览
喺大阪食過千房之後一試難忘，睇到香港開咗就立刻打左電話黎訂位。星期一晚市黎到人唔算多，店外大約有四至五對人等位，因為有訂位所以即時入得，帶位服務都唔錯，亦係全餐唯一可以俾星嘅地方…先講食物，我地三個人，因為極度肚餓同對千房充滿信心所以叫左一個芝味豚平燒，網媒聲稱香港限定嘅芝味廣島燒，千房燒，鐵板餃子再加一個香葱蛋燒餅合共5樣野，再加三杯飲品。1️⃣等左接近半個鐘嘅第一樣食物：芝味豚平燒見到店員一餅扁平物件咁剷落黎已經心知不妙，個樣同餐牌同日本食過嘅相差一萬五千里，咁點都要試啦。一食入口，凍嘅！好似係煮好左俾人放左喺冷氣位吹左二十分鐘嗰種凍，係凍到已經接近無餘溫！味道係普普通通嘅奄列豬肉加芝士，但因為凍，所以令人好失望。合共4件，盛惠55蚊由於個蛋真係不可思議地凍，我地搵左個應該係高級小小著裇衫嘅男職員，搵佢調返大，先發現我地枱上嘅鐵板未加熱😑啲部份我喺下面服務度再講，總之就係…凍嘅豚平燒再遇上一塊凍嘅鐵板………2️⃣鐵板餃子鐵板餃子個樣靚仔啲，而且重點係放入口熱嘅！外皮極脆，但係內餡係…極咸！咸到係…我覺得一只餃子有一茶匙鹽嘅嗰種咸！除左個內餡，佢個脆皮同熱度係好味嘅，不過餃子唔食餡，咁個廚房
先講食物，我地三個人，因為極度肚餓同對千房充滿信心所以叫左一個芝味豚平燒，網媒聲稱香港限定嘅芝味廣島燒，千房燒，鐵板餃子再加一個香葱蛋燒餅合共5樣野，再加三杯飲品。
1️⃣等左接近半個鐘嘅第一樣食物：芝味豚平燒
芝味豚平燒
$55
31 浏览
0 赞好
0 留言
見到店員一餅扁平物件咁剷落黎已經心知不妙，個樣同餐牌同日本食過嘅相差一萬五千里，咁點都要試啦。一食入口，凍嘅！好似係煮好左俾人放左喺冷氣位吹左二十分鐘嗰種凍，係凍到已經接近無餘溫！味道係普普通通嘅奄列豬肉加芝士，但因為凍，所以令人好失望。合共4件，盛惠55蚊
由於個蛋真係不可思議地凍，我地搵左個應該係高級小小著裇衫嘅男職員，搵佢調返大，先發現我地枱上嘅鐵板未加熱😑啲部份我喺下面服務度再講，總之就係…凍嘅豚平燒再遇上一塊凍嘅鐵板………
2️⃣鐵板餃子
鐵板餃子
36 浏览
0 赞好
0 留言
鐵板餃子個樣靚仔啲，而且重點係放入口熱嘅！外皮極脆，但係內餡係…極咸！咸到係…我覺得一只餃子有一茶匙鹽嘅嗰種咸！除左個內餡，佢個脆皮同熱度係好味嘅，不過餃子唔食餡，咁個廚房不如齋煎餃子皮算啦係咪？個內餡真係咸到苦，係菜肉餡，但極咸，令我真係大吃一驚。
3️⃣千房燒
千房燒
$108
30 浏览
0 赞好
0 留言
招牌鐵板燒，應該點都好食啦掛！結果，又係微溫！真係令人懷疑佢地用咩煎，係咪低溫煎煮。個餅食落一啲都唔鬆軟，加上微溫，真係好似某大型超市煎左好耐放凍左攞出黎特價嘅感覺，沙律醬好稀身，醬油偏咸。內餡有一支蝦，小粒嘅帶子同埋…粉漿。我真係唔想用好食形容佢，可以入口比較適當。
4️⃣芝味廣島燒
芝味廣島燒
$78
25 浏览
0 赞好
0 留言
食到啲一個其實已經冇乜希望，因為已經見佢放落個板度都好冇生氣，食落之後就發現，佢真係同想象中一樣咁死寂。味道冇特別，面頭嘅芝士由於已經凍左，所以係一餅硬塊喺啲炒面上。底下有大量粉漿撈椰菜，粉漿只係剛好定型，由於凍，食落去個感覺好似食生粉漿咁😫我應該點形容我食左咩…一堆凍嘅椰菜粉漿加炒面。面條偏粗，唔彈牙，真係普通偏差。
5️⃣香葱雞蛋燒餅…姐係以大阪燒作基本再加多更多香葱同雞蛋。
因為已經食到好頹，所以冇影相，但啲個係成餐唯一一個有鑊氣又夠熱嘅餅。香葱幾香，份量亦好足夠，可能因為葱同粉嘅比例葱比較多，食落去感覺比較清爽，而且葱炒得夠，所以都幾香，重點係，佢嘅熱度終於係正常！有正常食物嘅熱度！！！！
食物真係可一不可再，冇一樣野我想再食，主要原因係凍。唔係坐喺水吧見唔到，我真係好懷疑佢啲餅係煎定放喺度，有人點就係咁咦加熱😫但又等左差唔多四十五分鐘，真係好匪夷所思…餡料餐牌寫就多，食落去真係除左粉之处都唔係幾食到，同日本每啖都大把料真係無得比…我誠意建議佢一係改善下客人枱上面個鐵板，等我地自己煎熱佢，一係就真係煎熱啲野先出，真係大家X 個鐵板餐塊鐵板都熱過佢！
然後我真係想話，如果佢唔係叫千房，咁嘅食物質素真係冇可能開到店，我亦都好失望佢居然可以掛住千房個名賣啲質素咁差嘅食物俾顧客。
講完食，講服務
一入門口帶位嘅 uncle 同收銀服務態度都好好，有禮貌，第一印象真係唔錯嘅，不過坐低左嘅兩次同店員交流就真係令人好 surprise:
1️⃣ 赤富士係咩黎？
佢野飲有樣野叫赤富士梳打，英文叫 akafuji soda ，見識少從文字睇唔透係咩味，唯有問店員係咩，以下係對話：
我：(指住張飲品紙) 請問赤富士係咩黎嫁？
店員：飲品
我：………(黑人問號)係咩味嘅梳打？
店員：(合埋眼諗左陣)日本…日本梳打味
我：(……………)咩味？
店員：哦，係蘋果
日本梳打味嘅日本梳打，我真係同唔係掛只樹熊一樣望住個店員。
2️⃣ 上面有提過嘅白色裇衫年輕男店員
由於我地真係完全感受唔到個鐵板嘅溫度， 所以搵咗個睇落似經理嘅男店員嚟幫幫手。係形容完食物有幾凍同希望佢較大個板嘅溫度後，佢解釋話嗰板唔可以太熱如果唔係啲食物會燶，佢已經幫我地較到最熱，好誠懇咁話較唔到…然後我即場指住我用黎試溫度嘅一滴水話：唔係囉，凍到啲水都冇反應喎！
佢再解釋左上面嘅答案之後過左兩秒，佢話：唉也，原來你地個板俾唔知邊位同事較過，冇熱到，依家幫你較返大呀吓！
……………我真係多謝你，終於發現到我只可以話，佢嘅態度好誠摯，不過佢嘅回應真係令我好無奈………然後個板，雖然已經較熱左，不過都烘唔熱啲食物，可能因為啲食物真係太凍嘅關係啦…………
總括而言，食完啲一次，我覺得啲間千房係掛住千房名嘅三流大阪燒店…自己去道xx 煎嘅都好味過佢大家千祈唔好抱希望去，因為會好失望…都係去大阪當地嘅千房啦！大阪食真係熱辣辣好好味，絕對唔會令你失望！
香港嘅千房…真係可一不可再，今次就當買個教訓，唔好再信咩海外分店啦成餐埋加一食左五百一十蚊…三個人都當掉左錢落粉漿啦…………
张贴
