日月樓

营业中

休息中

經常聽屋企人講，佢哋最懷緬嘅係80年代嘅舊香港，當時好多手工中菜都已經失傳。最近懷舊京菜館「日月樓」於「船記」舊址開幕，復刻80年代盧北京地區菜式，中菜廳設計亦都採用80年代常見嘅明黃色色調配上碎花壁紙，令人更加代入到舊香港嘅情懷。山東燒雞嚴選兩斤重本地三黃雞，再經過3小時醃製。獨特鮮炸後蒸嘅手藝，雞肉皮薄多汁又肉嫩。北京填鴨可以講係北京菜最經典嘅菜式，廚師選用北京白羽鴨，因其肉脂比例恰到好處。透光嘅餅皮，配搭砂糖和自家製醬汁，每一啖都係豐富嘅油脂香。鹽爆管廷一條條白色面條狀嘅其實係管廷（豬氣管），繁複嘅工序令到呢度菜式幾乎失傳。廚師需要良好嘅刀工令到每一條嘅管廷都一樣粗幼，營造出爽脆嘅口感。紅燒蝦子海參選用日本關西海參在經過紅燒方式烹調，配搭手工鹹香蝦子。口感彈牙又軟腍。和菜戴帽外型好似平時食開嘅奄列，雞蛋餅下面有韭黃絲、木耳絲等多款蔬菜。鐵板鰣魚需要預訂嘅菜式，矜貴嘅鰣魚放上熱騰騰嘅鐵板上邊，然後再倒入秘製嘅醬汁。每一啖都係鰣魚嘅鮮甜味。日月樓 (灣仔)灣仔船街1-7號寶業大廈地下1號舖及1樓