聖安娜餅屋 (已結業)

作為綠茶控， 見聖安娜出左哩個綠茶蛋糕之後一直都好想試！終於等到有朋友生日啦，所以自告奮勇，同大家講，今次我買蛋糕啦！哩個蛋糕外型似足太空館，表層是一層抹茶朱古力脆皮，但一切就碎開碎，切既時候有啲狼狽。入面一共有6層，包括抹茶慕絲、抹茶寒天、蜜糖慕絲、抹茶蛋糕、抹茶忌廉以及黑糖啫喱， 食落口感豐富。重點係蛋糕不會太甜，而且食到濃濃既綠茶味，帶啲甘澀，味道唔錯。但如果比我㨂，我或者可能會㨂番東海堂！唔知係咪先入為主，始終鍾情於佢地既綠茶味。