章記香港仔魚蛋王

营业中

休息中

阿姐仲咩係度魂遊太虛呀！我講左三次走蔥都係要比芫茜蔥我，完全係個發呆樣，無用心聆聽地落單！嘥我時間續粒揀返晒啲芫茜蔥出黎！我趕時間又見唔洗等位先黎幫襯架乍！嬲得我掉晒啲蔥係枱面你慢慢掃啦！牛丸牛腩粗麵走蔥，粗麵腍劈劈，牛腩勁多肥膏，肥到要咬走晒先食得囉！今日乜料呀？今日又唔係黑色星期五。好采牛丸食得吓，雖則未及郁香園滑彈爆汁，正常肉丸無特別。辣椒油依舊平平無奇，可有可無，有總好過無啦。