花椒子 (已結業)

去到旺角食晏選擇真係好多今日黎到雅蘭呢間花椒子真係值得推介如果我冇記錯呢間既上一手都係食辣野先講下花椒子既格局 內在裝修明顯有花心思 外太空主題再加上抵死既宣傳口號🤩”辣到上太空”我相信以前都冇人會咁講以前食酸菜魚 水煮牛之類最怕就係佢大大盤見得一盤就食唔到其他野 好在花椒子既set lunch有一人份量既酸菜魚同水煮牛 我地就各叫左一份先講酸菜魚 餐廳用既係鱸魚 每一塊都好嬾滑 配埋湯底真係一絕 湯底唔會太咸亦唔會太酸酸菜味道恰好 唔會話因為係Lunch set就隨隨便便再黎就係水煮牛肉套餐我個人認為辣度剛好亦唔會搶左牛既鮮味 再加上芽菜等既配菜多種口感集埋一齊真係令人滿足加上兩個套餐都配有白飯同飲品真係唔怕唔夠飽