太湖海鮮城

营业中

休息中

相信今晚好多人都會出街食飯，食完就一齊倒數，阿爸話想食完飯全家一齊去倒數，阿媽話想食海鮮，好啦，咁我就話去太湖海鮮城食啦，以前食過一次覺得價錢同食物出品都可以。講明食海鮮，當然唔少得龍蝦啦，我地點左個龍蝦伊面，分量都算大，龍蝦都可以，D面吸收左蝦嘅鮮味，食落都唔錯，不過無咩特別之處。女人都貪靚，點左個花膠湯嚟補補，花膠都算多，唔系果種得一兩件果D，煲得都算濃，價錢親民。嚟呢度嘅朋友一定要試試姜米活魚炒飯，好好食，魚肉好魚嫩，飯又炒得粒粒分明，味道好特別，每次都必點。南瓜粥系阿媽點嘅，我以為味道唔會好，點知又有點意料之外，粥嘅濃稠度剛剛好，再加上南瓜本來就有的甜味，可以比到少少驚喜，中意食南瓜粥嘅可以嘗試下。