Lost in Thai (已結業)

🏆太子新派泰菜！平民價食盡各式串燒同咖哩😍 朋友介紹太子開咗呢間新式泰菜館Lost in Thai，作為泰菜控當然要黎試一試啦！ 食泰國嘢前菜唔洗講當然要有生蝦刺身同串燒啦。生蝦刺身固然有一流水準，新鮮美味；但更特別係佢嘅刺身拼盤竟然有串燒酸豬肉，酸得黎啖啖肉汁非常開胃，配合其他牛、雞、大蝦同粟米串燒，簡單幾款食物已經令人食指大動👍🏻 主菜慢煮羊架都係必食之作💪🏻羊架煮得一啲都唔韌又唔騷，上面淋埋特製醬汁，色香味俱全🤩 餐廳環境裝修非常之有心思，周圍都有綠色植物，令人恍如置身東南亞泰國地道餐廳！🍃原來舖頭入邊仲有VIP房，我哋一行多人都可以有屬於自己嘅角落，可以盡情傾偈，啱晒一大班朋友嚟敘舊！🥰