何車車仔麵 (界限街) (已結業)

餐廳：何車車仔麵 (太子)地址：太子界限街41C號長勝大廈地舖講到香港嘅美食，唔知你又數到幾多樣呢😬？今次想同大家介紹下係太子界限街嘅何車車仔麵🍜，今年7月1號先開張，係一間不折不扣嘅新車仔麵店雖然餐廳唔算大，但何車嘅野食就好多元化，麵食有成十幾款，連飯都有🍛，價錢好大眾化，最貴嘅清湯蘿蔔牛腩飯都係$40咋😍；餸款亦有四十幾樣任你揀，一啲比較特別嘅關東煮、雨衣甘藍🥬、豬脷等都有，每款餸都係十零蚊就有得食😎，有選擇困難症嘅仲可以叫招牌老何麵十餸($55)或者細何麵五餸($40)，另外亦有唔同小食同小食set可以揀架蝦子撈麵($13) + 牛舌芯($15) + 糖心蘿蔔($8)粗麵底加上大量蝦子同秘製醬汁🦐，先聞到陣陣蝦子香😚，撈勻放入口食到粒粒蝦子，粗麵亦好彈牙，仲唔會好乾，另外附上一碗清湯🍲，撈埋一齊食又得，食完麵再飲都得，得咗；牛舌芯係比較少見嘅車仔麵餸款，同牛舌唔同嘅係佢無骨，而且爽口，牛舌嘅香味仲好濃添，睇得出餐廳用左好多心思去處理同調味👍🏼炸魚皮$10香脆炸魚皮，就咁食又得，整碎撈埋落蝦子麵到又係一種好味食法😆，你又鍾意點食呢？關東煮🍢 $13估唔到呢到會有關東煮，有豆卜、冬菇