阿來東南亞風味 (已結業)

好耐冇去過旺角，記得廣華街後邊附近係有好多餐廳嘅，咁耐冇黎原來啲餐廳已經完全搬晒面貌，走咗入一間泰國菜，見到佢咁多客喺入邊應該都幾唔錯啦。第一時間見到個脆皮豆腐又或者係類似椒鹽豆腐嘅嘢好想食好想食，所以叫咗，豆腐好滑，真係唔錯，不過有啲熱氣囉。食泰國菜，馬拉盞炒通菜當然唔少得啦，勁大跌勁大跌，但係唔會太鹹，食多啲菜好啊。主菜呢叫咗個炒飯，佢個擺碟好得意，上面有3粒臘味，而且炒得啲飯都粒粒分明，最重要係咩？佢真係好大碟。你都重頭戲亦都係鋪頭嘅招牌菜，軟殼蟹咖喱農夫包！你唔好睇佢細細個農夫包，成隻軟殼蟹趴係上面而且咁多汁，食完都真係幾飽，而且個咖喱汁調製得好出色，唔會得個辣字，去買炸玄學蟹就中和左油膩感，出色。