影片
更多
2011-05-03
29 浏览
無無聊聊同老公話：不如去紅磡搵嘢食洛﹗個傻人又答：好呀﹗就係咁，兩個人著住街坊裝由屯門去到紅磡食嘢﹗由火車站沿天橘行落黎，就見到聯記川王，可能時間已經差唔多2:30，所以又唔見到傳聞中咁虛陷﹗我地兩個好似D小學生咁，行埋去又想食，又唔敢食個隻FEEL，當然最後都係坐低試左一樣嘢......咁大把﹗我地叫左麻辣豬耳涼粉，因聽人講好鬼辣，就算食慣辣嘢的我們都唔敢咁大膽，只敢叫小辣﹗咁快嘅？用發泡膠同木筷子，我已經唔多LIKE，因為實在太唔環保了，唔知佢D嘢係咪一早整定好晒，亦都方便D人外賣，所以全部都用上發泡膠盒？都冇計架，都要食﹗味道冇想像中咁辣（可能是小辣的原故）；豬耳的刀功真係一流，薄過塊粉皮，當連埋D麻辣一齊撈左之後，簡直就分不出什麼是什麼？食落口亦唔太覺有豬耳咁﹗老實講，個麻辣又真係幾OK，不過油多左少少﹗食完之後，我同老公一直都好回味個口入面個D麻辣味，但一諗起個D油，發泡膠同即棄筷子，相信我都唔會再黎了﹗
就係咁，兩個人著住街坊裝由屯門去到紅磡食嘢﹗由火車站沿天橘行落黎，就見到聯記川王，可能時間已經差唔多2:30，所以又唔見到傳聞中咁虛陷﹗我地兩個好似D小學生咁，行埋去又想食，又唔敢食個隻FEEL，當然最後都係坐低試左一樣嘢......咁大把﹗
我地叫左麻辣豬耳涼粉，因聽人講好鬼辣，就算食慣辣嘢的我們都唔敢咁大膽，只敢叫小辣﹗
咁快嘅？用發泡膠同木筷子，我已經唔多LIKE，因為實在太唔環保了，唔知佢D嘢係咪一早整定好晒，亦都方便D人外賣，所以全部都用上發泡膠盒？
都冇計架，都要食﹗味道冇想像中咁辣（可能是小辣的原故）；豬耳的刀功真係一流，薄過塊粉皮，當連埋D麻辣一齊撈左之後，簡直就分不出什麼是什麼？食落口亦唔太覺有豬耳咁﹗老實講，個麻辣又真係幾OK，不過油多左少少﹗
食完之後，我同老公一直都好回味個口入面個D麻辣味，但一諗起個D油，發泡膠同即棄筷子，相信我都唔會再黎了﹗
张贴