L'AMOUR

营业中

休息中

朋友介紹下，嚟到一間位於太和既精緻法國菜。餐廳門口緊閉，看似神秘，誰不知按鐘後一打開道門，白色既門面就會化身成一道透明既落地玻璃，一入餐廳會見到一盞好華麗既吊燈及好靚既Bar，幾有驚喜。巴馬火腿捲火箭菜、水牛芝士軟身既水牛芝士配埋充滿鹹香既火腿，清新得嚟好有層次。法式西鰽鱸、椰菜花蓉、紅腰豆食法國菜果然係味覺同視覺既享受！擺盤相當細心同精緻，猶如一幅畫一樣，未食已經覺得好驚喜。鱸魚魚皮煎得好香脆，肉質嫩滑。下面既椰菜花蓉口感細滑。香煎北海道帶子黑松露薏米飯帶子煎到金黃，薏米飯圓潤彈牙，好鐘意呢種口感。旁邊既點綴亦令人眼前一亮。焦糖蘋果、雪糕薄切既蘋果片配上冰凍既雪糕，味道好夾。