果子｜海南雞飯·喇沙摻摻 (啟昌樓) (已結業)

這一天我們來到太和附近，午餐時間去果子食喇沙😊午餐時段有套餐，套餐感覺都好豐富，配有飲品，再可加錢配小食，價錢都相對幾抵。我哋兩個人點左一個喇沙一個飯😊海鮮喇沙味道十分之好！首先麵條內有油麵及米粉，增加口感。湯底亦都好出色，係我喜愛嘅味道，濃郁微辣嘅香料及椰漿味，一啖一啖咁飲好滿足。配料方面有香茅豬扒、魚蛋、豆卜及蛋等等，同湯底一齊食好好味！印尼炒飯嘅炒飯底都用咗特別嘅醬汁去炒，另外配上炸蝦片、蝦、蛋等，味道都幾豐富。我哋嘅餐都配有小食。薯絲炸蝦由幼幼的薯絲捲着成為外皮，炸左之後外皮香脆，薯仔味幾香，裏邊嘅蝦都幾鮮味。炒通菜亦都炒得幾香。飲品嘅選擇都好多，我哋點左兩杯特別啲嘅。首先有奶蓋茉莉綠茶，奶蓋味道鹹香，茉莉綠茶清淡，配合埋一齊都唔錯。另外一杯黑糖珍珠鮮奶，珍珠煙煙銀銀幾好味，黑糖味道濃郁，整體來講都好香滑。餐廳午市都好多人幫襯，亦都有好多附近嘅街坊叫外賣，相信附近街坊都有對佢唔錯嘅評價。希望下次嚟我哋再試吓其他星馬特色嘢食，特別想食佢嘅海南雞飯。