芝加哥串燒酒場 (太和中心)

大埔太和都有好多唔同既獨立餐廳，各有特色而且都好有心做。今次難得4人行，就入來行下睇下有咩食。D FRIENDS都想飲下酒吹下水，所以就揀呢間有酒飲有串燒，又食可以坐下嘅餐廳試吓呢度酒精非酒精飲品都有得揀，另外食物嘅種類非常豐富，主要係串燒類，有肉類、蔬菜、亦都有啲比較少見嘅，食物種類多而且味道都唔錯。其中串燒菠蘿非常好食，菠蘿乾身之後，佢嘅甜味更加突出，而且口感好好，證明師傅都燒得非常之有技巧。另外好欣賞廚師將串燒拼埋一盤，擺啲擺得好靚之餘，味道當然好食啦！擺得咁靚，影相打卡就更加突出yeah。