Tonkotsu 8 by 三田製麵所 (已結業)

今日同朋友行經太古，醒起好耐冇食過呢間拉麵店，於是就走去睇下，見到佢出咗限定嘅咖哩湯麵豚骨拉麵 $68豚骨拉麵湯底望去清清地，但其實入口充滿油脂感，幼身嘅拉麵，加上一片叉燒、半熟蛋、同埋蔥花，係經典嘅豚骨湯底口味，亦可以加店家免費提供嘅蒜蓉或者係辣菜轉換口味咖哩豚骨湯拉麵 $84升級套餐+$28咖哩豚骨湯拉麵係屬於期間限定，醇厚嘅咖哩湯底加上幼身麵條好掛汁，配料豐富，比如有肉碎、半熟蛋、炸蒜片、叉燒、蔥花！另外拉麵可以加錢升級套餐，揀選咗炸雞同烏龍茶，炸雞一共有三件，外皮炸得香脆，肉質嫩滑，可以加蛋黃醬