誠拉麵 (已結業)

住在港島東都落太古嘅Aeon買野， 經過超市隔離嘅Food Court發現有間新拉麵店進駐 ~ 誠拉麵。 以吧枱坐位圍住日本拉麵店開放式廚房設計， 可以睇到煮麵嘅過程。 拉麵主打四款 ~ 「白」「黑」 「赤」「味噌」， 另外仲有豚骨魚介沾麵。 跟老公叫了「黑」「味噌」配都加$22 套餐。套餐除了拉麵外， 另可選叉燒丼或餃子及汽水。 我就叫咗「黑」• 豚骨拉麵， 食拉麵一嚟緊係飲啖湯先啦， 黑蒜加上豚骨湯底味道夠濃郁， 幼身拉麵比較腍身， 叉燒肥瘦適中， 都算幾大塊， 愛食溏心蛋嘅我另追加多半隻， 超好食， 由於誠拉麵選用日本雞蛋， 所以有濃濃嘅蛋味， 流心口感超完美。 老公就選了「味噌」 豚骨味噌拉麵， 奶白色嘅豚骨湯底加味噌， 唔會好鹹， 但有好多骨膠原， 拉麵內有紫菜、芽菜、蔥、半隻溏心蛋、叉燒2片、荀絲(老公唔食所有沒有加) 。 其實一碗份量都幾多。 套餐選了餃子， 有三隻餃子皮薄， 但個人覺得唔夠熱， 而且可以再煎得再脆d。唔夠味咩， 誠拉麵仲有芝麻 、 辣菜脯同 蒜蓉俾你加落拉麵內。 整體係Food Court嚟講都算唔錯， 下次要再試吓佢地嘅沾麵。