影片
更多
2018-10-08
2286 浏览
奧莉花師奶日日忙著湊佢的可愛艾女，野口同學又去左旅行，大家兩個月無見喇，八月之星都未慶祝，拖到今日十月終於出黎聚聚high個afternoon tea 🍵,happy gathering!熊妹之前聽聞過《Uptop Bistro & Bar》景靚，high tea set又非常吸睛，所以慕名而來滿足一下少女心❣️熊妹一早訂左位，可留枱十分鐘。不過餐廳地點距離尖咀地鐵站🚉真係有點遠，快行🚶🏻♂️都快行左起碼十分鐘，熊妹最後係九分鐘成功抵壘⚾️，保得住張枱！奧莉花師奶同野口同學就例遲咁黎喇。餐廳原來唔係好大，係一間尖沙咀平民酒店🏨的頂樓酒店餐廳🍴，唔係大型酒店，當然餐廳都唔會好大喇。有幾張二人枱，四人枱同一張多人大枱。熊妹訂左位，原來預留左個窗口位🍽，好驚喜！一黎到，就可以影下出面的街景，海景就無乜喇，因為唔係近海，主要就係對住歷史博物館同科學館，日頭其實無咩好睇，相信夜晚有啲燈飾會好靚的。《Uptop》tea set 有兩款，分別係以首飾盒呈現的珠光寶氣，咸點係主打三文治🥪飽類🥐，同成座摩天輪🎡呈現的幸福摩天輪，咸點主打係炸物，而甜點🍮就無咩分別。熊妹，奧莉花師奶同野口同學一致都贊成揀幸福摩
熊妹之前聽聞過《Uptop Bistro & Bar》景靚，high tea set又非常吸睛，所以慕名而來滿足一下少女心❣️
熊妹一早訂左位，可留枱十分鐘。不過餐廳地點距離尖咀地鐵站🚉真係有點遠，快行🚶🏻♂️都快行左起碼十分鐘，熊妹最後係九分鐘成功抵壘⚾️，保得住張枱！奧莉花師奶同野口同學就例遲咁黎喇。
餐廳原來唔係好大，係一間尖沙咀平民酒店🏨的頂樓酒店餐廳🍴，唔係大型酒店，當然餐廳都唔會好大喇。有幾張二人枱，四人枱同一張多人大枱。
熊妹訂左位，原來預留左個窗口位🍽，好驚喜！一黎到，就可以影下出面的街景，海景就無乜喇，因為唔係近海，主要就係對住歷史博物館同科學館，日頭其實無咩好睇，相信夜晚有啲燈飾會好靚的。
《Uptop》tea set 有兩款，分別係以首飾盒呈現的珠光寶氣，咸點係主打三文治🥪飽類🥐，同成座摩天輪🎡呈現的幸福摩天輪，咸點主打係炸物，而甜點🍮就無咩分別。熊妹，奧莉花師奶同野口同學一致都贊成揀幸福摩天輪。由於係三位，下午茶都會以三人份量上菜，價錢當然都計返三個喇。
幸福摩天輪下午茶
75 浏览
0 赞好
0 留言
咸點
49 浏览
0 赞好
0 留言
煙三文魚茶點
以煙三魚🍣捲成一卷玫瑰花🌹，中間吱左一點沙律醬，承托係一塊鹽餅上。煙三魚絕不欺場，都好厚一片，食落都新鮮，無咩魚渣，唔係開封左一段時間，與一點沙律醬一齊食，可以中和少少煙燻的咸味，加埋鹽餅脆卜卜，呢個小茶點确實不錯。
穫煎黑椒吞拿魚
實不相瞞，熊妹魚生黎講淨係食三文魚，一直都唔好生吞拿魚，反而好鐘意罐頭沙律吞拿魚。見呢個吞拿魚個樣都幾靚仔，試下無訪。果然無試錯，呢款吞拿魚外圍有好多黑椒包住，再煎熟少少，無平時生吞拿魚🐟熊妹受不了的腥生味，而且有強烈黑椒的辣味同吞拿魚🐟係幾夾，黑椒好似芝麻咁的咬口同吞拿魚肉一齊食，一粒粒天有軟軟地的魚肉，幾特別。
炸蝦薯仔絲卷
幾好味，炸到脆卜卜，蝦肉幾彈牙🍤，唔學油，細細件，唔覺好肥膩。
辣味炸雞粒
一大筒炸雞粒🍿，份量好多喎！係奇趣炸，炸粉會多啲，所以雞粒會脆啲，雞肉唔鞋，辣粉都好重下，都幾辣，食落幾惹味，熊妹食呀食，超碼食左半桶。
爆谷蝦串
外層沾滿爆谷碎的串燒蝦🦐似係另類炸物，不過無用上炸物用的麵包糠，所以無咁脆，感覺上又無咁油膩，真係未試過，係幾特別，幾有心意。
辣味雞串
🍢雞肉串燒，有少少辣味，都好味。
英式鬆餅
好失望呀，係熊妹每每high afternoon tea set中最期待的一件茶點，但呢度的鬆餅一啲都談不上鬆，質感非常淋而且散及乾，完全沒有牛油的鬆化及香味，失去了鬆餅的靈魂。奥莉花師奶原來都好期待食呢個scone, 實在太強差人意喇。最後熊妹同奧莉花師奶都係靠住搽clotted cream去吊味食左去，因為熊妹唔喜歡果醬味道太甜蓋過牛油味道，雖然今次搽不搽都無妨。不過，值得嘉許的係熊妹同奧莉花師奶幾欣賞個clotted cream, 仲搽光哂未夠喉，想要求添多少少，店員二話不說添滿成個杯仔，真係好窩心喎！
甜點
60 浏览
0 赞好
0 留言
甜點
31 浏览
0 赞好
0 留言
所以甜點方面🍭，每人主要有一件慕絲蛋糕🍰，一件夾心朱古力🍫，兩件唔同口味的macaron, 一件提子乾酥餅乾🍪，一件薄河朱古力蛋糕同一件chocolate mini cupcake，共五款共六件的甜點。睇返同menu的介紹好似有啲出入, apple salted caramel cake 🍰 同brownie 都無，換上其他小蛋糕款，可能無貨喇。
雖然有五六款🍬，但主要都係蛋糕類。食得出蛋糕唔係幾新鮮，有啲乾，唔夠軟綿，忌廉又有啲實，唔夠滑，唔似係即日做，似係放左雪櫃一兩日。
反而有驚喜的係macaron, macaron 以用蛋白糖霜製成會好甜，熊妹同野口同學好怕好甜的macaron，但呢度的macaron出奇地甜度適中，好易入口，唔會甜到即刻牙痛，而且每隻顏色真係食得出有唔同的味道，包括有雲尼拿，桑莓，朱古力，開心果，咖啡同檸檬，呢款熊妹，野口同學同奧莉花師奶一致認同係好味的！
甜點總括黎講無論賣相同味道其實都唔係話咁出色，野口同學有幾款試左兩口就無食喇，有幾款熊妹同奧莉花師奶直情都無食嚕。
40 浏览
0 赞好
0 留言
earl grey tea
26 浏览
0 赞好
0 留言
整體黎講，成個afternoon tea set 賣相係好靚好吸睛👀，味道就咸點比較突出，甜點略需改善一下就更為完美。
熊妹黎之前做一早做左功課，知道經open rice網上預訂下午茶時段可享85折，照原價加一，好抵喎！埋單每人$165，仲要有靚景又有蛋糕送，唯獨美中不足係5點前要交枱。
张贴
