沐白小農 (已結業)

最近，愛上了鮮芋鮮奶系列。 沐白小農剛好在尖咀開了新分店，於是同友人過來一試。店內招牌芋頭鮮奶是採用台灣大甲盛產的。沐白小農同樣是來自台灣的過江龍，主推天然蔗糖、無添加色素牛奶飲品。餐牌主要分茶、鮮奶茶、鮮奶、豆奶、果茶及多多類。牆上畫了牛牛卡通油畫，非常療癒。今次同友人分別共order 了三杯飲品。友人order 了一杯草莓鮮奶!草莓鮮奶 $35圖片與真實樣貌相乎，新鮮草莓蓉酸酸甜甜，味道天然。配合埋明治鮮奶，奶香濃郁。大甲芋頭鮮奶 $30接近半杯鮮芋泥蓉，甜味天然配新鮮牛奶十分滿足。沐白黑糖波霸鮮奶 $30珍珠略嫌不夠煙韌，黑糖同奶香味都足夠。最喜愛沐白店內有一幅俾客人相機食先嘅藍白牛奶牆，等我同友人又一齊合照打卡先。