天海家草庵 (已結業)

哇哇哇，之前係YouTube睇到大島與龍威食完approved已經好想試下！😆😆😆終於去咗位於北角既天海家草庵，即係中環間天海既平民快餐版。呢度有金子半自助無既炸軟殼蟹，炸粉相對地較薄！我亦都比較鍾意呢度嘅醬汁，即係天海既特製醬汁，鹹甜度啱啱好，如果鍾意食多啲汁嘅朋友可能要預先同姐姐講聲☝🏻 炸半熟玉子真係好好味，蛋汁撈埋啲飯再撈埋啲醬汁一齊食，好味🤍🤍🤍可惜呢度份量比較細，男人食的話可能要兩個set先夠🤣☝🏻 不過呢度啲嘢都係即叫即炸，所以都要等一陣！另外都鍾意呢度啲飯，新潟米煮得啱啱好好彈牙，唔夠食可以加飯☝🏻🤍