川川辣辣 (已結業)

天水圍街坊川菜今晚一行4人去咗喺天水圍T TOWN的「川辣辣」，呢間係主打川菜，喜歡味蕾刺激嘅我就啱哂。今晚點了4人餐，主菜酸菜魚，味道調教得唔錯，又唔會太過濃味，魚片份量亦都幾多，每人都配有1碗紅薯粉。小炒揀咗口水雞同埋黑醋骨，口水雞稍嫌唔夠辣，黑醋骨就值得一讚，炆得剛剛好，酸味適中，又夠入味。另外跟餐點了炒四季豆，呢味菜比較清淡，可以中和辣味嘅主菜。小食方面，我哋揀咗炸饅頭、椒鹽小酥肉，小酥肉好惹味。今晚埋單498蚊，食物質素唔錯，份量都多，大西北又多一間食店選擇。