燚火鍋專門店 (已結業)

兩公婆百無聊賴係九龍城搵野食，今日天氣涼左D,即刻心狠癢想打邊爐，經過南角道見到呢間有抵食海鮮拼盤，$98/1位（2位起），咁抵，入去試試先6點入座，第一枱，跟住陸續有客入黎，好彩啫見menu寫推介椰子雞煲，就點了半隻雞（$148），湯黎到，奶白色，半隻雞，但份量很足，湯黎到，先嚐一口，啖啖椰香，清清甜甜，果然無點錯老公係牛魔王，所以點了頂級手切牛肉（例）$178，油脂分佈尚算平均，份量ok.第一舊淥得太熟，硬左d，店員見到，細心同我地講解淥至8成熟口感最好，淥到仲有少少粉紅，立即拎起，口感果然截然不同，又軟又滑$98/1位的海鮮拼盤，絕對抵讚，用料新鮮，龍蝦大大隻，鮑魚上枱仲郁緊，蠔又大隻新鮮，聖子又大隻又爽甜，全部海鮮都非常鮮甜太多肉，點個什菜盤$48，上枱大大碟，有西洋菜，唐生菜，冬菇3件，栗米3件，個份量絕對係出面火鍋店的2倍見到有自家制菊花茶，$28，點了一瓶，抵！當我們食龍蝦時，店員細心遞上濕紙巾，又幫我們換碟及撇油，講真，小店可以有此食物水準及服務態度，實屬難得，絕對值得推介兩個人，食到飽飽，成為$648，性價比高