影片
更多
2018-11-11
52 浏览
話說近排天氣轉涼，夜晚仲有一陣涼意添，所以我哋成班朋友就決定食雞煲打邊爐，咁啱呢度做緊一個推廣優惠，300蚊就可以食雞煲加海鮮拼盤，於是就嚟試下啦。Bb辣雞煲半隻 海鮮餐 $298因為我哋同行嘅朋友有人唔食得辣，所以我哋就叫咗bb辣嘅雞煲。醬汁食落去其實都好惹味，因為只有少少辣，所以食落去唔會令人食到流鼻涕，但都非常惹味。另外佢嘅雞件非常嫩滑，一啲都唔柴，唔洗一陣我哋已經清咗成個雞煲。食完個雞煲之後店員會問我哋揀咩湯底打邊爐，我哋就揀咗龍蝦湯湯底打邊爐。佢個龍蝦湯湯底上枱嘅時候係原隻龍蝦上嚟，非常誇張!而且呢個湯入面仲有好多新鮮嘅蜆，番茄同埋粟米。我哋每人都飲咗幾啖湯，飲落去係超級鮮甜，同埋好香龍蝦鮮味。海鮮拼盤海鮮拼盤方面就有廣島蠔，大蜆，帶子，聖子，鮑魚，越南大頭蝦，鮮蝦，鯇魚片， 種類繁多，超級豐富。而且佢嘅海鮮係非常新鮮，因為上檯嘅時候佢嘅鮑魚同埋大頭蝦仲識郁， 海鮮係肉質好嫩滑，蝦肉好結實，唔使點任何醬油，淨係個湯底已經可以襯托出海鮮本身嘅鮮味，超級好食，值得一試。牛肩胛，牛柳粒，豬肉片牛肉方面有牛肩胛同牛柳粒，豬就有豬肉片。佢嘅牛肩胛同牛柳粒都好濃牛味，輕輕焯幾秒就已經食
Bb辣雞煲半隻 海鮮餐 $298
因為我哋同行嘅朋友有人唔食得辣，所以我哋就叫咗bb辣嘅雞煲。醬汁食落去其實都好惹味，因為只有少少辣，所以食落去唔會令人食到流鼻涕，但都非常惹味。另外佢嘅雞件非常嫩滑，一啲都唔柴，唔洗一陣我哋已經清咗成個雞煲。
食完個雞煲之後店員會問我哋揀咩湯底打邊爐，我哋就揀咗龍蝦湯湯底打邊爐。佢個龍蝦湯湯底上枱嘅時候係原隻龍蝦上嚟，非常誇張!而且呢個湯入面仲有好多新鮮嘅蜆，番茄同埋粟米。我哋每人都飲咗幾啖湯，飲落去係超級鮮甜，同埋好香龍蝦鮮味。
海鮮拼盤
海鮮拼盤方面就有廣島蠔，大蜆，帶子，聖子，鮑魚，越南大頭蝦，鮮蝦，鯇魚片， 種類繁多，超級豐富。而且佢嘅海鮮係非常新鮮，因為上檯嘅時候佢嘅鮑魚同埋大頭蝦仲識郁， 海鮮係肉質好嫩滑，蝦肉好結實，唔使點任何醬油，淨係個湯底已經可以襯托出海鮮本身嘅鮮味，超級好食，值得一試。
牛肩胛，牛柳粒，豬肉片
牛肉方面有牛肩胛同牛柳粒，豬就有豬肉片。佢嘅牛肩胛同牛柳粒都好濃牛味，輕輕焯幾秒就已經食得。而佢嘅豬肉片因為切得好薄身，所以食落去一啲都唔柴，好食。
蔬菜菇類拼盤
佢嘅蔬菜份量好多，又新鮮。
炸魚皮
脆卜卜既魚皮點上龍蝦湯，食落去又脆口又惹味。
響鈴
個響鈴吸滿了龍蝦湯湯汁，食落去非常惹味。
墨魚丸，蝦丸，豬肉丸
墨魚丸同蝦丸非常爽口彈牙，用新鮮嘅墨魚同蝦肉做成。另外佢嘅豬肉丸食落去口感結實，好香豬肉味，不錯。
雲吞，水餃，白菜餃，魚皮餃，泡菜餃
咁多款搞入面我覺得雲吞同泡菜餃係最好食，因為佢嘅雲吞入面睇蝦肉雲吞，所以食落去又係好鮮好香蝦味。而佢嘅泡菜餃有少少微辣，好香泡菜嘅味道。
青檸梳打 $49
檸賓梳打 $49
张贴
