影片
更多
2021-12-17
30 浏览
趁天氣開始轉涼，決定叫返個麻辣牛肉湯底，一上檯望落辣到十足，好厚一層辣油，同埋好多辣椒🌶️聞落仲有少少藥膳嘅味，另外見到有幾塊牛肉同牛筋喺入面滾緊～令到食落嘅牛同牛油味十分香濃👍🏻等嘢食嘅熟嘅途中試咗佢少少炸物，鹽酥雞細細粒完全冇油易味，肉質又唔柴，調味剛好，值得一試👍🏻另外魚皮就咁食都覺得幾好味，唔會有擺太耐嗰種感覺，鹹度適中。頭盤先有幾款最出色嘅牛肉，上碟幾精緻，細細塊，目的係想先比客人試暈晒啲味，方便容後再落單挑選～當中包括安格斯牛板腱、牛小排、薄切封門柳、澳洲M5和牛肩胛、同埋牛五花腩。每一款都好有牛味，全部都正中口味！完全唔會過韌，師傅手勢幾好，每款都切得好薄身，全部涮幾秒就食得🤣一啖接一啖忍唔住不斷encore～同時，估唔到除咗牛之外，豬肉都好高質，特別推薦豬面頰肉同埋鹿兒島黑豚肉，前者有少少似豬頸肉咁，幾有趙頭，肥瘦相間；後者豬味濃郁，大大塊薄切放入口好滿足～至於全晚重點，我會話係海鮮！魷魚同蝦滑都好出色，勁快就賣完，要及早叫定啦！越南虎蝦超級大條啖啖肉，勁新鮮爽口彈牙，兩個人食咗一打有多；廣島蠔好大粒勁肥美，滾完之後入口爆汁，仲有少少海水味，大讚！另外，丸類小食款式好多，
趁天氣開始轉涼，決定叫返個麻辣牛肉湯底，一上檯望落辣到十足，好厚一層辣油，同埋好多辣椒🌶️聞落仲有少少藥膳嘅味，另外見到有幾塊牛肉同牛筋喺入面滾緊～令到食落嘅牛同牛油味十分香濃👍🏻
等嘢食嘅熟嘅途中試咗佢少少炸物，鹽酥雞細細粒完全冇油易味，肉質又唔柴，調味剛好，值得一試👍🏻另外魚皮就咁食都覺得幾好味，唔會有擺太耐嗰種感覺，鹹度適中。
頭盤先有幾款最出色嘅牛肉，上碟幾精緻，細細塊，目的係想先比客人試暈晒啲味，方便容後再落單挑選～當中包括安格斯牛板腱、牛小排、薄切封門柳、澳洲M5和牛肩胛、同埋牛五花腩。每一款都好有牛味，全部都正中口味！完全唔會過韌，師傅手勢幾好，每款都切得好薄身，全部涮幾秒就食得🤣一啖接一啖忍唔住不斷encore～
同時，估唔到除咗牛之外，豬肉都好高質，特別推薦豬面頰肉同埋鹿兒島黑豚肉，前者有少少似豬頸肉咁，幾有趙頭，肥瘦相間；後者豬味濃郁，大大塊薄切放入口好滿足～
至於全晚重點，我會話係海鮮！魷魚同蝦滑都好出色，勁快就賣完，要及早叫定啦！越南虎蝦超級大條啖啖肉，勁新鮮爽口彈牙，兩個人食咗一打有多；廣島蠔好大粒勁肥美，滾完之後入口爆汁，仲有少少海水味，大讚！
另外，丸類小食款式好多，仲要唔係普通口味，睇到我全部都好想試！最後喺能力範圍內盡試，特別想介紹幾款較少見同有印象嘅：獨家小龍水餃，店員介紹吓先知係小籠包同水餃嘅混合體，外面睇落似餃子，食落竟然係小籠包嘅薑蓉豬肉餡料，用嚟打邊爐幾特別；芫荽豬肉丸食落有啲似泰式魚餅，幾特別，係略嫌芫荽味唔夠🤣；蔥味貢丸比坊間嘅更有風味；台灣腸一貫地道，必食；流心魚蛋集芝士丸同魚蛋一身，魚蛋彈牙芝士偏甜，咬開超爆漿。有機會真係想再試埋其他！
最後餐廳仲附送甜品，今次分別叫咗份芝士蛋糕同埋甜薯蛋糕，上碟已經覺得唔似普通邊爐舖頭會有嘅甜品，食落更加有驚喜！黃色餡料部份打得好滑身，係淡淡甜薯味道，配埋鬆軟嘅海綿蛋糕，好夾；而芝士蛋糕好實心，芝士味極香濃，完全拍得上cafe質素，好綿密，超級推薦👍🏻用佢哋來作結真係大滿足！
张贴
