鋒哥廚房 (已結業)

雖然最近天氣好熱，夏天真係黎到，但係阻擋唔到我食雞煲既熱愛，我大大話話都食超過30多間雞煲店🥘全港好多出名、小店都有試過，今次就去到元朗超強人氣雞煲打邊爐既鋒哥廚房👇🏻食雞煲除左隻雞要有質素，個醬汁都好重要，我見雞煲內加左芫茜、紫洋蔥、蒜頭、蔥呢d香料，份量夠多，所以煮出黎味道好出，而且夠濃稠，雞件好易掛汁，啜哂d汁先慢慢食件雞😚👇🏻我就唔食牛，不過黑豚片可以無限任叫，肉質軟腍岩哂我唔食得牛既人，湯底我照揀麻辣湯底，麻香十足，而嚮鈴都係幾signature，盡吸麻辣湯濃香，惹味同酥化👇🏻總括分數85/100