影片
更多
2023-06-25
1796 浏览
📌 醉药鸡 (福荣街) - 深水埗福荣街103号地舖🗓(25/6) 星期日 ⏰ 中午12点左右 💈特式：呢几日热到爆，出街都唔想食热野，又已经食左几日寿司，所以今日揾左间专食醉冷盘嘅醉药鸡试下，佢有深水埗及荃湾两间店，今日就去左深水埗顺便可以行下黄金。🥩🍔🌭🌮🥗🥯🥘🍲🍝🍣🥟🍤🍱食物：虽然佢个名叫醉药鸡，但佢地醉冷盘嘅款式一d都唔弱鸡，有少见用来做最冷盘嘅牛舌/芥兰/苦瓜，仲有矜贵嘅鲍鱼/鹅肝/乳鸽，而家等我同大家讲下🍺💊🐥味道先。砂锅鸡汤翅濑粉 $68 - 呢个砂锅汤一上枱我真系吓一跳，个锅大到成个火锅咁大，鸡份量就正常，翅就有几块细细块的，不过就好多汤，啱晒我呢d钟意饮汤嘅人，仲要只系$68蚊，份量都足够两个人分，所以算几抵食。药膳酒浸鸡脚 $36 - 鸡脚有6只，价钱嚟讲都ok，但不足嘅系煮嘅时间唔够，鸡脚入唔到味之外，只鸡脚仲要好硬好难咬，但个药膳汤底系几浓几好味的。醉牛舌 $48 - 呢个醉牛舌系做得唔错，份量多，而且牛舌够入到花雕酒味，比较薄身嘅牛舌就够淋滑，厚身少少个d就爽口，值得一赞。醉肝鲍 $75 - 醉鲍鱼同鹅肝拼就会有埋一只醉蛋，鲍鱼就等一只，鹅肝就有3片。鲍鱼
🗓(25/6) 星期日 ⏰ 中午12点左右
💈特式：呢几日热到爆，出街都唔想食热野，又已经食左几日寿司，所以今日揾左间专食醉冷盘嘅醉药鸡试下，佢有深水埗及荃湾两间店，今日就去左深水埗顺便可以行下黄金。
🥩🍔🌭🌮🥗🥯🥘🍲🍝🍣🥟🍤🍱
食物：虽然佢个名叫醉药鸡，但佢地醉冷盘嘅款式一d都唔弱鸡，有少见用来做最冷盘嘅牛舌/芥兰/苦瓜，仲有矜贵嘅鲍鱼/鹅肝/乳鸽，而家等我同大家讲下🍺💊🐥味道先。
砂锅鸡汤翅濑粉 $68 - 呢个砂锅汤一上枱我真系吓一跳，个锅大到成个火锅咁大，鸡份量就正常，翅就有几块细细块的，不过就好多汤，啱晒我呢d钟意饮汤嘅人，仲要只系$68蚊，份量都足够两个人分，所以算几抵食。
药膳酒浸鸡脚 $36 - 鸡脚有6只，价钱嚟讲都ok，但不足嘅系煮嘅时间唔够，鸡脚入唔到味之外，只鸡脚仲要好硬好难咬，但个药膳汤底系几浓几好味的。
醉牛舌 $48 - 呢个醉牛舌系做得唔错，份量多，而且牛舌够入到花雕酒味，比较薄身嘅牛舌就够淋滑，厚身少少个d就爽口，值得一赞。
醉肝鲍 $75 - 醉鲍鱼同鹅肝拼就会有埋一只醉蛋，鲍鱼就等一只，鹅肝就有3片。鲍鱼弹牙，鹅肝软滑，醉蛋都ok不过就唔流心。
☕️🍵🥤🧋🍺🍷🥃🍹🧉🍾🍶🥛
饮品 : 见佢餐牌饮品类都系得支装豆浆同普通罐装汽水，无乜特别。
🍽环境：餐厅面积唔大，坐位大约得34~5个，所以一开门无耐就已经坐满人，环境就普普通通，但装修都几别致有特式，整体都干净企理。
🤵🏻🤵🏻♀️🤵🏻♂️服务：员工服务都ok，我见佢地爆晒场，仲有好多人排队叫外卖，但佢地仍然keep到好有礼貌。
💰💸价钱：埋单就$227无加一，价钱都算合理。
🐲💬总结：我觉得佢地嘅汤底同醉冷盘系做得出色嘅，但亦有不足之处，另外小食亦有待改进。
推荐指数：❤️❤️❤️🤍🤍
砂锅鸡汤翅濑粉
$68
52 浏览
0 赞好
0 留言
40 浏览
0 赞好
0 留言
药膳酒浸鸡脚
$36
30 浏览
0 赞好
0 留言
醉牛舌
$48
40 浏览
0 赞好
0 留言
醉肝鲍
$75
30 浏览
0 赞好
0 留言
张贴
