成都老碼頭火鍋 (已結業)

呢間成都老碼頭火鍋，係成一年前我經過嘅時候已經好想試，始終係香港想食正宗d麻辣火鍋都難。今日終於約到個食得辣嘅朋友嚟呢度食。呢間鋪啲醬料配套都幾齊，基本上照顧晒港式邊爐，同埋四川邊爐既需要。今次我哋打嘅係四川邊爐，所以我攞咗油碟，乾碟。餐廳好細心咁為一啲唔識調配油碟嘅客人準備咗現成嘅油碟👍🏻。湯底揀佐香港風味麻辣同埋藥膳，一上台就聞到好香既味😚草原鮮毛肚，咁講到四川邊爐點可以少得毛肚呢，呢度嘅毛肚質量好好，最基本係做到一塊塊感上枱，用七上八下嘅方式去淥，係可以做到爽口彈牙，配搭我哋叫咗嘅成都中辣湯底同埋乾碟，辣到爽呀😋瘋狂辣牛肉，呢個個牛肉鋪滿晒辣椒係上面，食落去充滿辣椒嘅香味，最重要去辣得好夠喉，推薦好食得辣既人試下。👍🏻手工韭菜餃，韭菜餃個性價比都幾好，半份有五粒，味道都唔錯😋，幾推薦試下！極品鵝腸，鵝腸好有趣咁用隻鴨裝住出嚟，佢同我毛肚一樣，基本上都係四川火鍋嘅必叫之選，不過煮呢個嘅時候要小心唔好煮太耐，唔係就變咗橡筋，鵝腸整體唔差👍🏻。現炸酥肉，酥肉的確係現炸，啱啱上枱食落去會有少少辣口。食落去好香口，建議點一下個辣湯底，再點乾碟，一流享受😏。整體來講我好鍾意呢間野，服務細心，