一生懸麵 (荃灣千色匯I) (已結業)

一直想試呢間係千色匯既日式沾麵店，今次就趁放工黎試下😋可能係閒日，所以7點幾黎到都唔洗等位😎今次我就揀左招牌既特濃豚骨沾麵同埋煎餃子：🔸特濃豚骨沾麵🍜（$79）特濃湯底真係好濃🤣 豚骨湯底有肉香，配上香葱，湯底幾正～而沾麵我揀左普通硬度，軟硬適中，粗面令到湯底更掛面！ 而2大片叉燒，輕輕燒焦既表面，肥瘦相間🤤 配菜方面方面仲有竹荀、溏心蛋🥚～🔸煎餃子🥟（$28）去食沾麵/拉麵都係必點既🤭 餃子外皮煎得好脆，細細粒，一啖一隻就啱哂天氣凍食沾麵就係同時間競賽🤣食到最尾個湯稍嫌唔夠熱lu如果個湯碗可以保温就更好了～下次有機會希望都想試下佢既海老沾麵，好吸引😍