深屈村茶水檔

营业中

休息中

寒冷天氣警告下郊遊，熱量消耗量大，好快肚餓，剛剛食完早餐，兩個鐘已經餓，經過深屈呢度，幾間士多都有小食，呢間第一間，婆婆即刻招呼我哋入座（第二間士多伯伯已經嗌緊我哋）路邊嘅石屋，海邊一個凹位架起圍咗帆布簡陋棚，放咗幾張枱，對住石灘，天氣好應該好正，可惜天陰加大風，婆婆介紹蕃薯糖水（但賣晒🙄）食品都係涼茶、糖水加啲消暑飲品，天氣凍一人一碗熱糖水！山水豆腐花（$13）膠碗唔算大碗，只係暖唔係熱，落黃糖，豆腐花唔算滑，滑度只係正常，有啲澀味（落咗糖都蓋唔到）可能係啲石灰味，黃糖粉狀幼滑，味道一般，要急急食怕變凍海帶綠豆沙（$15）朋友食！好勁臭草同海帶味，落足料煲！朋友話好味！婆婆幾親切（唔知係唔係因爲無客）佢在石屋內！由得我哋食完，自己行入去比錢！（走咗都唔知）好信得過我哋！