鳴橋燒肉料理 (已結業)

今日天氣忽然變到好鬼凍呀，好似永遠秋天都何奇短暫咁，凍凍地，唔一定要打邊爐既，去食日燒，一樣都可以暖笠笠嫁姐！三文魚不算肥美，不過不失，細細件咁，不過顏色幾靚，都算新鮮！甜蝦Size 正常，無試，某人話幾鮮味呀！刺身帶子Size 同預期大細差唔多，無雪味，亦算有鮮味。馬刀貝爽口精選，每次喜歡食到索索聲咁好過癮，貝類黎講有嚼頭，味道亦較特別，鐘意食脆身既人會喜愛!鮑片味道幾甜，所以一叫再叫。煙煙unun幾有咬口，叫了不少…… 帆立貝一粒幾大粒嫁，個子夠厚身，肉質細緻，雖然唔係新鮮貨，但燒完芬香撲鼻，啖啖肉咁去食海鮮，其實都有幾分奢侈。芝士麻吉？乜黎嫁？？？？？魚丸味道不俗，咬一口cheese 已經咇曬出黎，我燒得亦幾靚，呵呵！！雪米糍係香芋味道既，雖然係買翻黎，但都唔錯！胡麻雪糕黑芝麻味好香，雪糕夠細滑，芝麻味好出眾，係雪糕到睇到清楚兩啖就食曬lu!!Tiramesu 酒香濃，細細件，食唔濟，唔會太多cream，not too heavy!! 餐廳細細但人流唔會勁多，平日去無卜位都唔洗排，而且店員幾細心，見我地牛油紙燒到燶燶地就好爽手咁幫我換，服務不錯呢！！！