天機棧扒房 (已結業)

宜間扒房西餐廳又平又抵食，出開黎旺角決定再encore!發現menu有新驚喜，多左軟殼蟹作為前菜唷！原隻既軟殼蟹奉上，睇見都流口水喇！軟殼蟹水準都幾高，炸漿唔厚！薄而脆，炸完之後蟹肉都仲有水份，香脆可口呀！頭盤各點了芥末薯仔沙律🥗及薯蓉焗田螺！薯蓉香滑，田螺爽口，正！沙律加左芥末，清新通鼻又醒神呀！濃郁既龍蝦湯配香脆既蒜蓉包，味道一流！龍蝦湯味道濃郁而不鹹，飲完都唔會口渴！七成熟既牛扒一如既往，同上之食既一樣牛味濃郁，肉質軟稔！生熟度掌握得非常好！石斑魚南瓜芝士飯賣相精緻又好味！芝士焗至微燶，仲可以拉成絲，芝士控必愛！米飯饟左係南瓜入面不單只有芝士香，仲多左層南瓜香味啊！一邊食，仲可以一邊刮南瓜肉。石斑魚煎得香，魚皮香脆，沒有半點腥味。甜品三選一，心太軟&焦糖燉蛋係我最愛！心太軟內裡真係有爆漿既流心朱古力，令人好滿足呀！焦糖燉蛋非常creamy,蛋香味濃，焦糖甜度恰到好處！食哂都品先太甜膩！