海皇粥店 (好運中心) (已結業)

呢排天氣又凍左，加上今晚夜左收工，好似愈來愈大風，食碗粥暖一暖個胃就最perfect。叫左個菜乾豬骨粥，睇落好似比想像中大碗，定係太耐無食唔記得左係咪一路都咁大碗？入口粥底夠哂綿滑，唔會覺得太稀或稠，做晚餐都幾夠飽下。個豬骨味都幾濃郁，加埋菜乾既清甜，個粥入口會有種清迎既味道，唔似食其他粥咁濃味。之後加多個炸兩，個皮估唔到薄到咁透明，入口都算滑既，不過炸兩唔夠脆，扣返少少分啦。呢間D姐姐十問九唔應，叫左幾次都當睇唔到我，跟住落單個時又掛住睇其他野，我講左3次先落到單，服務有待改善。