甘味讚岐手打烏冬 (已結業)

天氣突然急降，係人都想食d熱騰騰嘅美食暖暖身~平時嚟呢間分店都唔洗點等，今晚咁凍，店內只有3、4枱客，見人人都係叫鍋物，我同朋友都唔例外，一人叫左一款湯烏冬鍋~我食嘅係雜錦讚岐手打烏冬鍋，上枱充滿熱蒸氣，呷一口湯即時成身暖晒~個湯比較清，個人意見認為可以濃返dd，d烏冬好滑身彈牙，唔錯，配菜方面比較鍾意蟹柳同天婦羅蝦，食落幾鮮甜，入面有舊雞肉就差d喇，望落已經好鞋，所以最後食晒所有野，淨係放棄左佢~我朋友就叫左個dinner set，有刺身拼盤加杯涼粉冰 (好佩服佢咁凍都食得落呢兩樣野)，之後係香炒豚肉湯烏冬鍋，佢個豚肉炒得酸酸甜甜好開胃，豚肉夠腍又入味，我都忍唔住幾次叉對筷子過去夾嚟食，連d芽菜都唔放過，結論係我哋兩個都認為佢比較夾白飯多過湯烏冬，哈哈~