銓滿記餐廳小廚 (已結業)

聽講朗豪坊附近有間好好食既煲仔飯，仲好食過廟街煲仔飯，適逢天氣凍冰冰，最岩就係呢種日子試下呢間講得咁西利既煲仔飯。呢間餐廳係朗豪坊後兩條街左右，我地去個時大概係七點幾左右，去到個時咁岩有位唔使等，但我地入左去無耐出面已經開始排曬隊啦，我地真係好好彩。我地兩個最後都係揀左自選配料既煲仔飯，如果有選擇困難症的話，都可以揀佢提供既款式。鮮滑牛＋臘腸煲仔飯($74)肉餅＋雞件煲仔飯($74)煲仔飯最出色係佢個飯焦，差唔多成半個飯都係飯焦，超美味。配料同飯都好多，最出色係個鮮滑牛，必點。自己其實就未試過廟街既煲仔飯既，不過呢間煲仔飯真係名不虛傳，成煲飯比我地清光光的。另外，呢間煲仔飯仲會有菜同埋老火湯送，凍熱飲就另外叫半價。老火湯超夠火喉，超級足料，反而最深印象係呢個。除左煲仔飯之外，呢間餐廳仲有小菜可以叫，但係因為我地既目標好清晰就係煲仔飯，所以就無再另外試啦。基本上店員態度係OK既，不過可能真係太多人既關係，店員出口暗示我地食完就走，係有D感覺唔好，不過生意難做，明既。