影片
更多
2010-03-06
30 浏览
今晚黎左渣甸中心搵食，選左呢間，渣甸中心好多日本店，好似湖舟丫，水準唔錯。呢間係第一次黎，新新地同埋據說是前天勺人主打，水準應該不俗。Walk-in 黎到，唔洗等，環境簡約，一邊壽司吧，一邊四人枱，仲有間房。坐低睇睇menu，壽司刺身燒野煮野定食串燒都有d，選擇唔少。先黎飲杯七寶生啤，配個八爪魚醋物，八爪魚爽口新鮮，伴酒既好選擇，跟住要個特上壽司，吞拿魚入口即溶，無筋，不過魚既甘香味唔夠。反而tora卷唔錯。玉子凍凍地，蛋味重，友人說鬆一點會好d。其他有帶子，赤貝，海膽等等都好新鮮，係有誠意既特上壽司。另外叫多個tora卷，比特上壽司入面果d更好。吉列炸蠔，叫既時候純粹個人喜好，上枱已經有驚喜，炸粉睇落已經唔厚，夾落亦唔會因為炸粉簿而穿餡，食落蠔味重，大隻新鮮，唔油，覺得比吉列專門店做得更好，很有水準既炸物。點左個chef 推介腐皮蝦球，賣相好似晴天娃娃，腐皮炸得好脆，蝦球食落似去飲果d炸蝦球，不妨一試。今日想食魚，要左個煮油金魚頭，侍應提供選擇可斬件上，還是原件上合心水，煮得不錯很滑，很入味，連皮食更佳，個汁送飯一流。另要了汁燒牛肉，肉煮到有少少生，燒得嫩紅，鬆化很好。汁比較濃。友人
今晚黎左渣甸中心搵食，選左呢間，渣甸中心好多日本店，好似湖舟丫，水準唔錯。呢間係第一次黎，新新地同埋據說是前天勺人主打，水準應該不俗。
Walk-in 黎到，唔洗等，環境簡約，一邊壽司吧，一邊四人枱，仲有間房。
坐低睇睇menu，壽司刺身燒野煮野定食串燒都有d，選擇唔少。
先黎飲杯七寶生啤，配個八爪魚醋物，八爪魚爽口新鮮，伴酒既好選擇，
跟住要個特上壽司，吞拿魚入口即溶，無筋，不過魚既甘香味唔夠。反而tora卷唔錯。玉子凍凍地，蛋味重，友人說鬆一點會好d。其他有帶子，赤貝，海膽等等都好新鮮，係有誠意既特上壽司。另外叫多個tora卷，比特上壽司入面果d更好。
吉列炸蠔，叫既時候純粹個人喜好，上枱已經有驚喜，炸粉睇落已經唔厚，夾落亦唔會因為炸粉簿而穿餡，食落蠔味重，大隻新鮮，唔油，覺得比吉列專門店做得更好，很有水準既炸物。
點左個chef 推介腐皮蝦球，賣相好似晴天娃娃，腐皮炸得好脆，蝦球食落似去飲果d炸蝦球，不妨一試。
今日想食魚，要左個煮油金魚頭，侍應提供選擇可斬件上，還是原件上合心水，煮得不錯很滑，很入味，連皮食更佳，個汁送飯一流。
另要了汁燒牛肉，肉煮到有少少生，燒得嫩紅，鬆化很好。汁比較濃。
友人點了個大根煮，原來內有乾坤，入面有粒豬肉，好味。成個大根煮有好濃郁既柚子味，好香，這個值得推介，好一個日式羅漢齋。
最後店員送上雪糕。
服務幾好。這一餐，很滿足。好耐冇碰到有水準既日本店，感動。
张贴
